lunes, 14 de diciembre de 2015

NADAL NA NOSA BIBLIOTECA


Chega o Nadal e con él o tan esperado e merecido descanso para tod@s. Época de turrón, espumillón, árbore de nadal...,ideal para facer cousas en familia e con amig@s, para, reir, xogar, dar longos
paseos pola nosa cidade,engalanada para as festas,... é dicir, gozar do tempo que pasamos xunt@s, pero tamén época de libros, contacontos, teatro e películas.
Unha boa maneira de manternos
entretid@s e ao mesmo tempo gozar é meternos no fantástico mundo da lectura, xa sexa con libros novos, clásicos de toda a vida, ou compartindo algúns dos contos do Nadal máis populares.


O nadal tamén chega a nosa biblioteca, achégate!, concédenos uns minutos, probablemente atopes algo que che interese. Sacamos todos os nosos contos e libros de manualidades relacionados con estas data, "Pontiña" esperate e quereche dar moitas ideas para estas vacacións.
 
 
- Unha coñecida marca internacional realizou un experimento con 10 familias reais, onde os nenos ensínannos o que realmente queren facer este Nadal.
Que escribirán os nenos na carta aos Reis Meigos? E, se tivesen que escribir unha carta aos seus pais que pedirían? 

                   


lunes, 30 de noviembre de 2015

3 DE DECEMBRO. DÍA INTERNACIONAL DAS PERSOAS CON disCAPACIDADE.

 
 
A Asemblea Xeral das Nacións Unidas proclama o día 3 de decembro como Día Internacional das Persoas con Discapacidade.
Durante este día téntase derrubar as barreiras que rodean ás persoas con algunha discapacidade, xa sexan físicas, sociais, económicas ou discriminación que os exclúen de formar parte de actividades da sociedade.


Todos os nenos e nenas teñen dereito a educarse nun contexto normalizado que asegure a súa futura integración e participación na sociedade. O dereito de todos á educación atópase consagrado na Declaración dos Dereitos Humanos e reiterado nas políticas educativas dos países; con todo aínda existen millóns de nen@s e persoas que non teñen acceso á educación ou reciben unha de menor calidade.
 

No noso cole sabemos que, para os noso alumnado con discapacidade a integración temperá, nun ámbito "normalizado", significa unha mellor inserción na sociedade; Ademais, para o resto de compañeir@s, supón unha maneira de aprender valores relacionados coa diversidade e a tolerancia.

 
Deixámosvos este precioso  anuncio da  Fundación ONCE.

- Se queredes ver uns interesantes vídeos sobre distintas capacidades, pica aquí para ir á nosa entrada do ano pasado.
 - AQUÍ podedes visitar a entrada que fixemos, sobre este tema, cuns bonitos contos para os máis pequenos

viernes, 27 de noviembre de 2015

FALECE XOSÉ NEIRA VILAS.

"Eu son Balbino. Un rapaz de aldea. Coma quen di, un ninguén. E ademais, pobre"

 
A primeira frase de "Memorias dun neno galego", de Neira Vilas, acompañounos na infancia a varias xeracións de nen@s de Galicia, que este venres, desde que se deu a coñecer a sua morte  xa o botamos de menos.
 
Desde este blog, queremos render a nosa pequena  homenaxe  a este gran autor que faleceu na súa casa de Vila de Cruces (Pontevedra) aos 87 anos de idade.

A súa obra, "Memorias dun neno labrego" está considerada como a obra inaugural da literatura infantil e xuvenil en galego, o libro máis lido da historia da literatura galega e tamén o máis traducido a outros idiomas, desde a súa publicación en 1961 traduciuse a 15 idiomas e levaba o pasado verán 600.000 exemplares vendidos.
 

- Para achegarnos á súa obra, os que aínda non coñecedes a Balbino, podedes empezar por este curto vídeo.



- Espero que vos guste este interesantísimo LIM que nos chega desde o  CEIP Frian-Teis. Podedes ler e escoitar o libro, ver unha entrevista con Neira Vilas e facer actividades. PICA AQUÍ


- Os máis pequen@s podedes pasear polo "Xardín de Irene", unhas preciosas rimas, acompañadas dunhas ilustracións de Leandro Lamas cheas de luz e cor. AQUÍ

 

lunes, 23 de noviembre de 2015

25 DE NOVEMBRO. DÍA INTERNACIONAL CONTRA A VIOLENCIA DE XÉNERO.

 
O 25 de Novembro celébrase o Día Internacional Contra A Violencia de Xénero, aprobado pola Asemblea Xeral das Nacións Unidas en decembro de 1999, a proposta da República Dominicana co apoio de 60 países, esta data foi elexida en homenaxe as irmás Mirabal (Patria, Minerva e María Teresa), que morreron asasinadas nas mans do réxime dominicano de Trujillo en 1960.


Como centro estamos comprometid@s na educación para a Igualdade e na promoción de valores de corresponsabilidade e igualdade entre nenos e nenas, futuros homes e mulleres.

 

 

Aquí recomendámosvos uns libros, pretenden fomentar a  corresponsabilidade nas tarefas domésticas, a visibilización do papel da muller , a ruptura cos estereotipos sobre o que se considera "ser home" e "ser muller", etc.
 
Esperamos que disfrutedes coa súa lectura.
 
- LA MITAD DE JUAN (Gemma Lienas e África Fanlos. LA Galera)
Todos e todas perdemos coa desigualdade, os nenos tamén sofren malos tratos por ser pouco "varoniles" (segundo os canons sociais). A Juan gústanlle as bonecas, a súa camiseta rosa e os contos de princesas pero todos se rin del e dinlle que "son cousas de nenas". O problema é que cando enterra todo no xardín, se sente baleiro por dentro...! Como resolverá o problema?
 

- UNHA FELIZ CATÁSTROFE (Adela Turín)
Antes da catástrofe na casa da familia Rato, a mamá coidaba da casa e os nen@s e o señor Rato ía traballar e logo chegaba a casa e sentaba ata a hora da cea... pero algo inesperado ocorreu e... CAMBIOU TODO!
 

- A CINCENTA QUE NON QUERÍA COMER
PERDICES (De Nunila López e Miryam Cameros).
A historia fai unha revisión da historia de Cincenta, onde os príncipes non son tan encantadores, as perdices fartan e os zapatos de cristal fan dano nos pés.




- MAMÁ DE QUE COLOR SON LOS BESOS? (Elisenda Queralt)
As emocións son só cousas de nenas... Este conto fala da cor das emocións e é moi importante que os nenos  aprendan a expresar adecuadamente as súas emocións, moitas delas lles foron vetadas como xénero.
 
 
- ¿HAY ALGO MÁS ABURRIDO QUE SER UNA PRINCESA ROSA? (Raquel Diaz Requera)
Carlota teno claro, non lle gusta ser unha princesa rosa... aínda que parece que a súa contorna non ten moi claro as súas intencións.

 
 - EL PRÍNCIPE CENICIENTO ( Babette Cole)
Unha revisión do conto de Cincenta onde se cambian os roles.


 

- LA PRINCESA LISTILLA (Babette Cole)
Outra historia que desmitifica os contos de fadas.
 
 

- RONSEL GRITA MUY FURTE (Isabel Olid)
Esta é unha historia conmovedora onde Ronsel, unha nena tímida e amorosa, transforma o seu carácter a partir do truco que lle ensinou Conchita, a súa mestra: "Cando alguén queira facerche dano, Ronsel, grita moi forte!".É importante dar armas @s péquen@s para deter o abuso infantil.



- NIN UN BIQUIÑO A FORZA (Marión Mebes)
Os bicos son agasallos que podemos aceptar
ou rexeitar, e non hai porque obrigar @s péquen@s a bicar ou ser bicados. Teñen que saber que poden dicir NON.

 
- ARTURO E CLEMENTINA (Adela Turín)
Conta a historia de dúas tartarugas que se namoran e ao principio todo vai ben pero Arturo, sae de casa e vaina cargando de toda clase de obxectos inútiles... Clementina sentese
pequena e infeliz. Poderá escapar desta situación cunha cuncha tan cargada?




- ROSA CARAMELO (Adela Turín)
No país dos elefantes ás elefantitas téñenas nun corralito, vestidas de encaixes, comendo peonías e moi aburridas mentres os elefantitos gozan xogando no xardín... pero a unha delas non se lle dá nada ben iso de estar pechada.



 

- OS MALOS TRATOS SUTÍS: (conto escrito e dirixido polo coach emocional Diego Jiménez)
Un conto sobre como a sociedade xera na muller unha falta de autoestima que facilita os malos tratos e impoñer determinados canons de beleza, sobre todo, á muller...


martes, 17 de noviembre de 2015

20 DE NOVEMBRO. DEREITOS DA INFANCIA

UN DEREITO É AQUELO QUE OUTROS TEÑEN QUE RESPETAR DE NÓS E NÓS TEMOS QUE RESPETAR DOS OUTROS.




A convención sobre os Dereitos da Infancia de 1989, consta de 54 artigos, onde se definen os dereitos básicos cos que deben contar todas as nenas e os nenos.
Este tratado cumpliu o ano pasado 25 anos de historia, é o tratado que foi ratificado por un maior número de estados e é xurídicamente vinculante.
Os Dereitos da Infancia son universais, indivisibeis interdependentes, e o cumprimento de todos eles é responsabilidade dos gobernos, dos pais e nais e da socidade en xeral.
 
 
 
 
 
 
 
 
 
Para saber máis:
 
- Mafalda reivindica os dereitos da infancia. De Quino a petición de UNICEF. PICA.
- Slideshare sobre Dereitos e deberes dos nen@s.AQUÍ

- "Os dereitos da infancia" con Bolechas AQUÍ, de Pepe Carreiro.
Para xogar:
- Lim feito por Rosa González do CEIP O Pombal.PICA.
 
- "Isla de los derechos" AQUÍ.

lunes, 16 de noviembre de 2015

PREMIO LAZARILLO 2015. LEDICIA COSTAS


O pasado dia 13 de novembro fallouse en Madrid, o Premio Lazarillo 2015, na súa modalidade de creación literaria, convocado pola Organización Española para o Libro Infantil e Xuvenil (OEPLI), na que resultou gañadora a escritora viguesa Ledicia Costas coa obra titulada Jules Verne e a vida secreta dás Femmes Plante.


Este galardón, o máis antigo na literatura infantil e xuvenil, foi convocado polo extinguido Instituto Nacional do Libro Español no ano 1958 co fin de estimular a creación de bos libros para infancia e xuventude, e desde o ano 1986 é a OEPLI a encargada de convocalos anualmente, nas modalidades de "Album Ilustrado" e "Creación literaria".

O xurado integrado por Xose Antonio Perozo, Arantxa Bea, Aurelio Erdozain, Ana María Navarrete e Antonio Manuel Fraga cualificou a obra como unha "novela ben escrita, cunha narración fluída, unha estrutura moi ben adaptada e unha linguaxe sinxela pero elaborado, que combina con precisión elementos de realidade e ficción, imprimíndolle un aire de misterio que contribúe a facer moi emocionante a súa lectura".

Podes visitar AQUÍ a nosa entrada sobre Ledicia Costas do mes de outubro, cando recibiu o Premio Nacional de Literatura Infantil E Xuvenil, pola súa novela Escarlatina. A cociñeira defunta, así como o noso interesante encontro en xaneiro con esta autora.

jueves, 12 de noviembre de 2015

13 DE NOVEMBRO. DÍA DAS LIBRERÍAS.


Baixo a lema 'Ler é viaxar', as librerías volven abrir as súas portas este venres con descontos  e diferentes actividades para celebrar a quinta edición do Día das Librerías, unha xornada que quere converterse nunha festa para os amantes dos libros e a lectura.

Así, nesta celebración, organizada pola Confederación Española de Gremios e Asociacións de Libreiros (Cegal), librerías de toda a xeografía española ofrecerán un desconto do 5% en libros e abrirán ata as 22:00 horas.

"Roberto Bolaño dicía que "cada lector ten a librería que se merece". Por iso celebramos este día: porque queremos ofrecer a sociedade a mellor librería posible. Cada persoa que entra nunha
librería, non é un cliente, é un amigo. E estamos orgullosos de ter tan bos amigos. Estamos convencidos de que quen se atreve a entrar a unha librería, sempre volve."
CEGAL

Querémosvos ensinar cinco das librerías, que ao noso parecer, os amantes da lectura, e das librerías, non nos deberiamos perder.
 

- Entrada da librería Shakespeare & Co de París.


- Librería Selexyz Dominicanen, ubícase na cidade holandesa de Maastricht, é una antiga Igrexa do século XIII.

 
- Ateneo Grand Splendid, en Bos Aires.




 
- Atlantis Books, en Santorini, Grecia.





 
 - City lights, en San Francisco.

sábado, 7 de noviembre de 2015

SEMANA DA TRADICIÓN ORAL. 2ª SEMANA DE NOVEMBRO


"A tradición oral é un fenómeno rico e complexo, transmítese de pais a fillos, de xeración en xeración, chegando ata os nosos días.
Desde tempos anteriores á escritura, foi a forma de transmitir a cultura, a experiencia e as tradicións dunha sociedade a través de cantos, esconxuros, contos, fábulas, lendas, mitos, oracións e relatos, entre outros, e ten como función primordial a de conservar os coñecementos ancestrais a través dos tempos."


Aquí tedes unha interesantes actividas:

- "Orella pendella". Ditos, Recitados e Cancións Infantís.AQUÍ
- Para os que esteades interesados nas REGUEIFAS.
- Desde o CEIP de Vilatuxe, un entretido LIM de adiviñas.
- Músicas de tradición oral Por RTVE en Radio Nacional Clásica

martes, 27 de octubre de 2015

SAMAÍN NA BIBLIOTECA.

Como temos o Samaín tan cerquiña, fito máxico e ancestral no calendario celta, pensamos centrar a exposición de libros nese tema. Así durante uns días convivirán na nosa biblioteca bruxas, monstros, medos...

Como sempre, tentamos buscar libros para todas as idades.

 
Confiamos en que non vos dean demasiado medo...



 
Escollemos estas actividades para vós, desexamos que vos gusten.
- Vídeo didáctico sobre o Samaín con música de Mamá Cabra from Falamelide TV on Vimeo.


- Para os maiores. Texto sobre as orixes, as festas noutros países e moitas mais cousas. Ideal para saber mais sobre o Samaín. En PDF. (Escrito por Ventero e traducido por Norberto.)

- Gloster de Samaín. Elaborado por Rosa M. Rey). Que chulo!

- Decora cabazas.Aquí.

- Moitos xogos de samaín desde o colexio Clara Campoamor. EN INGLES.
- Manualidades. Art attack-casas encantadas i terroríficas.AQUÍ

viernes, 23 de octubre de 2015

"PREMIO NACIONAL DE CÓMIC" 2015. "LAS MENINAS"


O cómic "Las Meninas", baseado no soado cadro  de Diego Velázquez, que retrata a familia de Felipe IV(Pica aquí para lembralo), alzouse onte co Premio Nacional de Cómic 2015. En concreto, foron galardoados Santiago García, guionista e Javier Olivares, debuxante.

Santiago García, Javier Olivares

O premio é concedido polo Ministerio de Educación, Cultura e Deporte, e ten como obxecto distinguir a mellor obra desta especialidade publicada en calquera das linguas do Estado durante o ano.

O xurado elixiu "Las Meninas" como gañadora por "ser unha obra que asume un risco na estrutura narrativa e na formulación gráfica que se resolve con brillantez, e por constituír un bo achegamento á figura de Velázquez, a súa época e a súa influencia noutros artistas".

Pica na web do seu editorial, Astiberri, e podes ler o primeiro capítulo do libro.

martes, 13 de octubre de 2015

OUTUBRO MES DAS BIBLIOTECAS

Ilustración de R. Dautremer
As bibliotecas escolares son indispensables no proceso educativo, apoiando a formación de actitudes e hábitos como son a lectura e investigación, por iso é tan necesario seguir promovendo o seu uso.
Desde 1997 a "Asociación Española De Amigos Del Libro Infantil Y Juvenil" promove esta celebración, o 24 de outubro, en recordo ao brutal incendio da Biblioteca de Saraievo, durante o conflito dos Balcáns.
Debemos protexer as nosas bibliotecas, todas elas , por pequenas que sexan , albergan grandes tesouros, se non as protexemos ou deixamos que sexan destruídas, sería un ataque á memoria e ao tesouro cultural dun pobo.

E unha das mellores maneiras de protexelas é, abrir as súas portas a c
alquera actividade ou faceta que axude a eliminar as barreiras interpostas entre a biblioteca e a sociedade, través de: exposicións bibliográficas, sesións de contacontos, os clubs de lectura, a utilización das redes sociais...
Por iso é tan importante este día e a súa celebración.

Pregón e cartél AQUÍ

viernes, 9 de octubre de 2015

SVETLANA ALEXIEVICH. PREMIO NOBEL DE LITERATURA

O nobel de literatura, distingue por primeira vez o xornalismo.


A xornalista e escritora Svetlana Alexievich, foi recoñecida ,co Nobel de Literatura, por escribir libros de crónicas e historia oral sobre o desastre de Afganistán, as consecuencias da guerra na Unión Soviética e a traxedia de Chernóbil.
A pesar de ser unha autora case inédita en idioma español, celebramos o seu premio, por exercer o seu oficio nun lugar do mundo no que a liberdade está en dúbida.

Desta forma, a autora de 67 anos de idade converteuse na décima cuarta muller recompensada polo Nobel de Literatura desde a súa creación en 1901.

miércoles, 7 de octubre de 2015

"VENRES NAS LIBRARÍAS"


Este venres comenzou nas librerías a campaña Venres nas librarías. O obxectivo: promocionar a lectura e a venda de libros. As actividades propostas terán como protagonistas títulos galegos publicados durante o último ano, e desenvolveranse nas librerías interesadas e asociadas á Federación de Librarías de Galicia, serán en: Lalín, Vigo, A Coruña, Moaña, Ourense, Santiago de Compostela, Narón e Lugo, desde outubro ata novembro. 

Haberá máis de 80 actividades entre os venres e sábados, cos
encontros, entre lectores e autores,  preténdese promover o libro, incrementar o público lector e darlle valor aos escritores e escritoras.


Consulta o programa, e si te interésa, achégache. PROGRAMA

martes, 6 de octubre de 2015

LEDICIA COSTAS ÁLVAREZ, PREMIO NACIONAL DE LITERATURA INFANTIL E XUVENIL.


Moitos de vós lembrardes o encontro de Ledicia Costas Álvarez no mes de xaneiro para charlar sobre o seu libro " Escarlatina, a cociñeira defunta", e o moito que nos gustou, pois por esta fantástica obra  obtivo o Premio Nacional de Literatura Infantil e Xuvenil na súa edición 2015.


Este galardón concédeo o Ministerio de Educación, Cultura e Deporte para distinguir unha obra de autor español, escrita en calquera das linguas oficiais do Estado e editada en España durante o pasado ano 2014.
O Xurado decidiu premiar a obra de «Escarlatina, a cociñeira defunta» por ser «unha obra extraordinaria, humorística e rompedora no contexto da literatura infantil e xuvenil actual que destaca tamén pola súa fácil lectura, polo seu humor arrepiante, e pola habilidade para desmitificar o mundo da morte».

O libro «Escarlatina, a cociñeira defunta», tamén mereceu o Premio Merlín de Literatura Infantil, o Premio Fervenzas Literarias, o Premio Xosé Neira Vilas da Asociación Galega de Editores, e foi incluído na Lista de Honra do IBBY (International Board on Books for Young People) para 2016.



Se queres lembrar, o noso encontro con Ledicia Costas, no mes de xaneiro deste ano,PICA AQUÍ.


En hora boa Ledicia!!!

jueves, 1 de octubre de 2015

1 DE OUTUBRO, DÍA DOS AVÓS E AVOAS


Desde aquí, queremos conmemorar o Día Das Persoas Maiores, o motivo da devandita celebración é, facer unha homenaxe aos nosos
avós e avoas, esas persoas que tanto nos queren e que hoxe en día siguen sendo parte importante da nosa educación como persoas axudándonos a medrar, e en moitas ocasións, a través deles, escoitamos as nosas primeiras historias, primeiros contos e poemas.


 
Deixámosvos aquí, una recopilación de varios libros que abordan, o paso de tempo nas persoas, a idade e a vitalidade.